Assalamualaikum
Hola hola. Hah ! ! ! Lotih den. Tapi den gembyra ceria. Alhamdulillah, atas bantuan keluarga dan sedara mara, den melangkah setapak lagi. Ye lah khanz, idop di negara owang, biasiswa wife phon dah tak ado laie. Tetiba, dapat peluang cenggini, den bersyukur sangat ke hadirat Allah swt. Ok lah, orang mesti tak mau dengo ceta susah, mako dengan itu den ceta sisi gemilang nyo yo
HMS ni adalah dari namo moyang Den. Haji Md Said. Tapi di UK ini, kalau baco HMS orang terbayang Her Majesty's Service.
Motors pulak, eh tak kan tak tau. Mendo mendo berinjin gitew. Tapi den daftar untuk kereto yo. Cumo tengok la nanti, kalau perlu den jual crane, buleh la den guno jo kompeni ni. Cuma, kompeni crane tu den dah buko gak.
HMS Motors Ltd ni den guno boli dan jual kereto. Kek sini yo, kalau buek bisnis, memang tak boleh lari dari tax. Jadi boleh la den kato, den buie duit untuk kerajaan UK.
Jauh sungguh den merantau. Den mulo kejo di pasar ayam di Mersing, petrol pump atandant di Manjalara Kepong, den jadi doktor gigi, awwww tercakap lak, glamer you, den jadi cleaner, porter, dan terbaru jual kereto. Macam macam den buek. Tap den raso la khanz, den suko sangat jual kereto ni. Sebab nyo
1. Nak draib kereto mahal mahal apo laie boli, macam susah sangat, tapi berkat kejo ni, den dopek draib kereto mahal. Ferarri, Bentley, Audi R8, Maserati, kalau kereto kereto BMW Mecedis tu, heran sikit je la, hu hu hu jangan marah. Bukan den nak menunjuk, tapi den nak cerito ni. Faham khanz, ini cerito den.
2. Den tak payah pikir maintenance, insurans, road tax, sebab kereto kereto tu den pegang kejap yo. Den boli, bilo den dapat payment, den anto naik kapal. Udah le, memacam kereto den deraib, den tak keluo duit pon. Cumo kena la tuang minyak, no hal tuang minyak ni, boleh praktis gaya jalan orang kayo tuang minyak, kekekeke
3. Den dopek laie upah tolong bolikan kereto ni. Memang den tak dopek gaji dengan kompani den tu, nak buat apo dopek gaji khanz, nanti den keno lak bayo tax kat sini, mahal ooo tax kat sini, 40% wak, den kata kat awak.
Tapi ado gak yang tak sodapnyo. Kalau dulu den tau kereto apo yang den nak boli bawak balik. Sekarang ni den tak tau dah nak boli kereto apo. Lagi phon kereto yang den nak boli, semuanyo mahal mahal, hingga den tak mampu hu hu hu
Doakan lah den berjayo dengan bisnis den ni yo. Bila dah berjayo, awak sema pon buleh bangga yang awak seme ado kawan bisinis di United Kingdom gitew. Bye bye seme. Sweet dreams ! ! !
